Banorët e Bërxullës kanë dalë ditën e sotme në protestë pasi preken nga projekti i rrugës Thumanë-Kashar.
Dy prej tyre kanë hipur për disa minuta në një shtyllë tensioni duke kërcënuar se do të hidhen. Është dashur ndërhyrja e shërbimit zjarrfikës që ka bërë të mundur uljen e tyre poshtë përmes mjeteve të posaçme.
Banorët kërkojnë takim me ministren pasi kanë protestuar prej javësh duke kërkuar dëmshpërblim me vlerën e tregut, për pronat e tyre që preken nga projekti në fjalë.
