Deputeti Gazment Bardhi shpreh keqardhje për përplasjen e sotme me Flutura Açkën në Komisionin e Medias në Kuvend, duke theksuar se nuk ka vend për një “normalitet të rremë” dhe kritikon strategjinë e Lulzim Bashës, duke e quajtur “strategji të një të paburri”. Bardhi gjithashtu përgjigjet ndaj vlerësimit të Bashës për të dhe deputetin Flamur Noka, duke akuzuar kryetarin e PD-se për keqpërdorimin e demokratëve dhe për të shpërdoruar ndershmërinë e disa zonjave deputete në faqen e tij të politikës.

Reagimi i Bardhit:

Absolutisht i keqardhur nga debati me kolegë të opozitës! Por, është fakt i njohur që opozita është në një betejë kundër mazhorancës në Kuvend, dhe çdo opozitar duhet të jetë krah nesh në këtë betejë, dhe jo përballë njëlloj si Edi Rama. Tentativa për të provokuar me “normalitet të rremë” i kolegëve të opozitës, nuk mund të jetë kurrë strategjia e një opozitari. Ajo është vetëm strategjia e një të paburri, që vetë rri në shtëpi e kujdeset të shtojë katet në Kulla, ndërkohë që keqpërdor për fasadë të pazareve në kurriz të demokratëve, ndershmërinë e disa zonjave deputete, që vazhdojnë të besojnë gënjeshtrat e tij!