Kryedemokrati Lulzim Basha ka përgjigjur sulmeve të Ilir Metës duke e quajtur atë “kartë e djegur” dhe duke refuzuar të merret më me të. Në një konferencë për mediat,

“Nuk merrem më me zotin Meta dhe mashat e tij. Është harxhim kohe. Punën e kemi me Ramën e Veliajn, Meta është kartë e djegur”, tha Basha.

Basha gjithashtu komentoi paraqitjen e kryebashkiakut Erion Veliaj në SPAK për çështjen e inceneratorit të Tiranës. Ai theksoi se SPAK duhet të hetojë pa presion dhe të ndjekë çështjen deri në fund, duke shtuar se interesat e Partisë Demokratike janë për drejtësi për qytetarët shqiptarë, jo hakmarrje ndaj Veliajt.

“Kur dikush është në SPAK për korrupsion, siç është Erion Veliaj i denoncuar nga unë personalisht dhe PD, të marrësh flamurin pasi ka shkuar në SPAK më duket pak shije e keqe. SPAK duhet të hetojë pa presion dhe pa u dukur sikur ka presion dhe interes polik. Interesi i PD nuk është hakmarrja ndaj Veliajt, por është drejtësia për qytetarët shqiptarë, ku po e trajtojnë tiraninë si lavatriçe ta parave të pista të korrupsionit dhe krimit të organizuar. Veliaj i cili siç e thatë vetë, që deklaroi se kishte shkuar si koleg i hetuesve, zbuloi se në çfarë gjendje mendore ndodhet ai. Një hetim që shkon deri në fund tregon qartë se nuk mund të vepronin pa bekimin dhe përfitimin e Veliajt”, tha Basha.