Bashkimi Evropian ka inkurajuar faktorët politikë në Maqedoninë e Veriut që të punojnë drejt krijimit të një Parlamenti dhe qeverie stabile, të cilat do të ndihmojnë në përparimin e integrimit evropian të vendit.

Josep Borrell dhe Oliver Varhelyi, përfaqësuesit e lartë të BE-së, vlerësuan se zgjedhjet parlamentare dhe presidenciale në Maqedoni të Veriut u zhvilluan në një atmosferë paqësore dhe demokratike, megjithatë u përmendën disa sfida që ende duhet të adresohen.

Partia VMRO DPMNE fitoi zgjedhjet parlamentare, ndërsa kandidatja e saj, Gordana Silanovska-Davkova, fitoi zgjedhjet presidenciale. BE e ka uruar presidenten e re për fitoren dhe ka shprehur gëzimin për bashkëpunimin e ardhshëm.

Borrell dhe Varhelyi inkurajuan Maqedoninë e Veriut që të vazhdojë me reformat, veçanërisht në drejtim të sundimit të ligjit dhe luftës kundër korrupsionit, për të përparuar në rrugën drejt anëtarësimit në BE.

Në lidhje me çështjen e ndryshimeve kushtetuese, të cilat janë kusht për hapjen e negociatave për anëtarësim në BE, BE bëri thirrje që të gjitha palët politike të punojnë për zbatimin e tyre në interes të të gjithë qytetarëve të Maqedonisë së Veriut.