Pas vitesh ngecjeje, BE-ja synon të rivendosë marrëdhëniet me Turqinë, duke e vlerësuar si një partner strategjik për stabilitetin në Mesdhe. Megjithatë, shqetësimet rreth angazhimit të konstruktiv të Ankaras në këtë proces mbeten thelbësore.

Kancelari gjerman, Olaf Scholz, nënvizoi rëndësinë e Turqisë si një partner strategjik, por theksoi se bashkëpunimi me Ankara është sfidues në disa çështje. Propozimi i Gjermanisë për të lehtësuar vizat për qytetarët turqë në këmbim të bashkëpunimit në migracion u miratua në samitin e BE-së në Bruksel.

Përveç liberalizimit të vizave, bisedimet për modernizimin e bashkimit doganor mes BE-së dhe Turqisë vazhdojnë, ndërkohë që kritika ndaj qëndrimit të Turqisë ndaj Hamasit islamik vazhdon të shqetësojë BE-në, e cila klasifikon Hamasin si organizatë terroriste.

Turqia nuk është gjithmonë një partner i lehtë, por është një partner i rëndësishëm strategjik”, tha kancelari Olaf Scholz pas përfundimit të samitit të BE-së në Bruksel. Kjo vlen për “shumë, shumë çështje” tha Scholz. Kjo është arsyeja pse për Turqinë, vend aleat i NATO-s, nevojitet një perspektivë e orientuar drejt së ardhmes.