Misionit të Bashkimit Evropian për Sundimin e Ligjit në Kosovë (EULEX) i është zgjatur mandati edhe për dy vite të tjera, deri më 14 qershor 2027. Vendimi u mor më 5 qershor 2025 nga Këshilli i Bashkimit Evropian gjatë një takimi të mbajtur në Luksemburg, ku Komiteti Politik dhe i Sigurisë i BE-së miratoi zgjatjen e mandatit, pas përfundimit të afatit të mëparshëm që ishte vendosur më 5 qershor 2023 dhe do të skadonte më 14 qershor 2025.

Për këtë fazë të re të misionit, është planifikuar një fond prej 170,866,980 euro, një shumë e konsiderueshme që ndan burimet financiare në dy drejtim kryesorë. Sipas detajeve të publikuara, 64,492,980 euro janë dedikuar për funksionimin e vetë misionit EULEX në Kosovë, ndërsa 106,374,000 euro janë alokuar për mbështetjen e procedurave gjyqësore të zhvendosura në një shtet anëtar të BE-së, që trajtojnë raste të ndjeshme përmes një juridiksioni të posaçëm evropian.

Misioni EULEX ka qenë i pranishëm në Kosovë që nga viti 2008, menjëherë pas shpalljes së pavarësisë së vendit. Ai erdhi si zëvendësim për misionin e OKB-së, UNMIK, duke marrë përsipër një pjesë të përgjegjësive, por me kompetenca më të kufizuara sesa paraardhësi i tij. Më tej, në vitet 2011 dhe 2012, këto kompetenca u reduktuan më tej, duke ia kaluar gradualisht autoritetet institucioneve vendase.

EULEX vazhdon të mbetet një ndër instrumentet kyç të BE-së për mbështetjen e sundimit të ligjit, forcimin e institucioneve të drejtësisë dhe promovimin e stabilitetit në Kosovë dhe rajon.