Këngëtarja me origjinë shqiptare, Bebe Rexha, ka paralajmëruar publikimin e këngës së dytë nga albumi i saj të ardhshëm, “Dirty Blonde”, që pritet këtë të premte. Projekti titullohet “Çike Çike” dhe ka nxitur entuziazmin e fansave, veçanërisht të audiencës shqiptare, për shkak të vargjeve në shqip që janë bërë virale: Çike çike luje belin çike, ti je një bombë, bombë atomike.

Kënga do të shoqërohet me videoklip, pjesë e konceptit vizual të albumit, ku të gjitha 13 këngët e “Dirty Blonde” do të kenë klipet e tyre përkatëse. Rexha publikoi së fundmi një trailer në Instagram, duke rritur kureshtjen e publikut, me mbishkrimin provokues: “Ku janë të gjithë k** e mia shqiptare.”

Pamjet e para tregojnë një Bebe Rexha më provokuese, në një skenar flirtues me një burrë më të moshuar, duke përfshirë edhe një puthje dhe tatuazhin “Bebe” në barkun e personazhit mashkull. Stili ekstravagant i këngëtares duket i pranishëm si gjithmonë.

Fansat numërojnë ditët deri në publikim, ndërsa pritshmëritë janë që “Çike Çike” të bëhet një nga hitet më të komentuar të sezonit dhe një moment i rëndësishëm që lidh Rexhën me rrënjët e saj shqiptare.