Paraditen e sotme presidenti i vendit Bajram Begaj do të mbledh Këshillin e Sigurisë. Mbledhja që do të nis në orën 10:00 do të ketë në fokus sulmet kibernetike të Iranit.
Në mbledhje pritet të marrë pjesë kryeministri Edi Rama, ministrja e Jashtme Olta Xhaçka, ministri i Mbrojtjes Niko Peleshi si dhe ministri i Brendshëm Bledi Çuçi,
Sulmi i parë kibernetik ndodhi në mes të muajit korrik të këtij viti, ku u sulmuan portalet shtetërore të shërbimeve online, të cilat nuk funksionuan për 4 ditë.
Si rezultat i hetimeve që u bë nga ekspertët shqiptar, por edhe nga vendet aleate, u dol në përfundimin se ishte Irani qëndronte mbrapa sulmit. Ndërsa më 10 shtator, u sulmua sistemi TIMS. Ky sulm ‘paralizoi’ për disa orë pikat e kalimit kufitar të të gjithë vendit, në Rinas, Kakavijë, e Kapshticë, ku policia hapi regjistrat duke punuar manualisht.
