I ftuar në podcastin e Arbana Osmanit, biznesmeni dhe ish-presidenti i Kosovës, Behgjet Pacolli, ndau disa detaje të panjohura më parë për jetën e tij personale. Ai tregoi se ka dy vajza të lindura nga lidhje jashtëmartesore, me dy gra të ndryshme.

“Baba për herë të parë jam bërë në moshën 24-vjeçare. Vajza e madhe, Arbëresha, jeton në Austri dhe ka ardhur në jetë në një periudhë tranzicioni për mua, pas përfundimit të studimeve dhe kohës së shërbimit ushtarak. Vajza tjetër ka lindur kur isha 30 vjeç. Ato janë me dy gra të ndryshme: e para ka qenë aksidentale, ndërsa e dyta ishte një lidhje e planifikuar, por që dështoi.”

Pacolli vlerësoi arritjet e vajzave të tij, duke theksuar se ato janë sot të suksesshme në fushën e financave. “Jam shumë i lumtur për to. Vajzat janë bankiere dhe kanë ndjekur studime të shkëlqyera.”

Ky rrëfim i sinqertë shtoi një dimension më personal për figurën e njohur të Pacollit, duke hedhur dritë mbi disa aspekte të pazbuluara më herët të jetës së tij.