Kryetari i PD, Sali Berisha në fjalën e tij në protestën e 6 dhjetorit, u ka kujtuar udhëheqësve të BE dhe sulmin e paligjshëm të qeverisë dhe kryeministrit Edi Rama ndaj Prestige Resort, shembur me tritol dy ditë më parë.

Berisha tha se Rama është i padenjë për të qendruar në samitin me BE, pasi ka “sulmuar brutalisht media e ka lincuar gazetare më fjalorë ordineri”.

“Ndaj le të zotohemi sot ne se pa votën e lirë nuk ka e nuk do ketë stabilitet në Shqipëri. Ju ftoj ju të brohorasim poshtë stabilokracia mbi votën e vjedhur, rroftë demokracia dhe vota e lirë.

Në përpkjet e Ramës për të mposhtur lirinë e mendimit ka shënuar disa rekorde.

Ai ka sulmuar brutalisht media e ka lincuar gazetare më fjalorë ordineri. Ka mbyllur me dhunë tv, vetëm dy ditë më parë ai hodhi në erë me tritol resortin turistik të pronarit të një grupi mediatik vetëm se ai nuk pranoi kontrollin qeveritar të mediave të tij.

Unë u them dhëheqësve politik të Evropë se është absolutisht i padenjë të qendrojë sot në atë samit.

Përvec këtyre, rikujtoj se alergjia ndaj fjalës së lirë e mendimit ndryshe është trashëgimi biologjike e Ramës.

Babai i tij firmosi si xhelat në 1988 varjen në litar të poetit Havzi Nela për vargjet e tij. Edi Rama kurrë nuk kërkoi falje për aktin prej xhelati të babait të tij”, u shpreh Berisha.