Gazment Bardhi, kryetar i grupit parlamentar të Partisë Demokratike, bën deklaratë se asnjëherë nuk është takuar me Sali Berishën përtej mbledhjeve të grupit parlamentar. Ai thekson se takimet janë të zakonshme gjatë mbledhjeve të grupit, ndërsa shprehet se cështja e vendit të takimeve personale nuk ka rëndësi publike. Bardhi shton se Berisha ka deklaruar se do të vazhdojë të ushtrojë përgjegjësinë e tij në opozitë, ndërsa thekson se beteja me qeverinë e Edi Ramës do të vazhdojë pa kompromis.

Nuk jam takuar kurrë me zotin Berisha, edhe pse nuk kam patur asnjë kompleks të takohem me të. Por, ka qenë e panevojshme sepse takohemi çdo javë për mbledhje grupi”, deklaroi Bardhi në një intervistë televizive.

Gjithashtu Bardhi shtoi se kur iu vu në dukje se në ditën e Krishtlindjes është parë të futet në të njëjtën godinë, në të njëjtën kohë, ku ishte dhe Sali Berisha, Bardhi u përgjigj: “Unë, ditën e Krishtlindjes, hyj dhe dal si një njeri i lirë ku unë dëshiroj. Besoj që nuk përbën interes publik fakti se ku pi kafen apo kë takoj në përditshmërinë time. Askush nuk është pronari i asnjë godine”.