Ish-kryeministri Sali Berisha ka mbërritur në ambientet e selisë në Njësinë nr.2 në Tiranë për të votuar për kryetarin e ri të degës së PD-së.

Berisha shoqërohet nga bashkëshortja e tij, Liri Berisha dhe mbështetës të shumtë demokratë të cilët e kanë pritur me entuziazëm.

Pasi hodhi votën në kutinë e votimit, Berisha gjatë një deklarate për mediat u shpreh entuziast për këtë arritje të cilën e vlerësoi si historike jo vetëm për PD-së por për mbarë shoqërinë shqiptare.