Pas përfundimit të takimit në selinë blu, ish-kryeministri Sali Berisha theksoi se do të jetë pjesë e grupit parlamentar i PD-së.

Gjatë një deklarate për mediat në dalje të selisë së PD-së, Berisha tha se vendimi i Bashës për ta përjashtuar nga grupi parlamentar është “nul”.

Sali Berisha në dalje nga selia e PD-së:

“Vendimi për të më përjashtuar nga grupi parlamentar është “nul”. Është një realitet që nuk ekziston. Vendimi që pretendon Alibeaj është “nul” dhe nuk ekziston ky është vendimi i bazuar në ligjet e vendit dhe të PD dhe ky është qëndrimi im.

A do të bëni një hap pas? “Është gabim të krahasosh fituesin me humbësin është një gabim i madh logjik . Grupi parlamentar do të ketë takime dhe do të diskutojë, është organ legjislativ i PD që do të bëjë debate i hapur për gjithçka. Është rast unik që PD të bashkohet edhe në diversitetin e saja që e bën edhe më demokratike, kjo është e vërtet.

Je non grata thotë Alibeaj- “Cilido që mendon bën zgjedhjen e tij por demokratët kanë folur për to, më 11 dhjetor 18 dhjetor dhe më 6 mars. Kombinacione Basha – Rama kanë marrë fund, ishte vendim që ishte nul. Para atij vendimi midis atij vendimi të paqenë unë zgjodha anëtarësinë e partisë e cila e gjykoi, i dha Lul Bashës shkarkimin që meritoi më 11 dhjetor, Basha nuk është këtu dhe dha dorëheqjen.

Me çfarë para po bëhet rikonstruksioni i godinës? “Nuk kam dijeni por do të kërkoj të bëhet transparenca, normalisht kjo parti ka financa por si është gjendja e arkës në këtë parti nuk ia kam idenë”, tha Berisha.

Ndërkohë që ka mbaruar pas më pak se një ore mbledhja e grupit parlamentar në PD, në fund të së cilës Enkelejd Alibeaj u shpreh se prania e Berishës, është një pushtim, dhe nuk shërben për bashkimin.