Kreu i Partisë Demokratike, Sali Berisha, reagoi sot pas deklaratës së kandidatit për Bashkinë e Tiranës, Florjan Binaj, i cili mbrëmjen e kaluar në “Top Story” njoftoi se nuk do të bashkëpunojë në fushatë me të.

Berisha e përshëndeti vendimin e Binajt, duke theksuar se ka kandidatë të pavarur që mbështeten nga parti politike, por që veprojnë në mënyrë të pavarur. “Ka një linjë, një grup, rrymë, të cilët nuk realizojnë dot dallimin midis kandidatit të pavarur dhe të mbështetur nga parti politike. Kandidatët e pavarur të cilët zgjedhim, edhe pse partitë politike i mbështesin, veprojnë në mënyrë të pavarur,” u shpreh Berisha.

Deklarata e kreut demokrat vjen në një moment kur fushata për Bashkinë e Tiranës po merr intensitet, dhe vëmendja mbetet tek marrëdhëniet mes kandidatëve të pavarur dhe partive politike që i mbështesin ata.