Kryetari i Partisë Demokratike, Sali Berisha, ka komentuar replikat në distancë mes kryeministrit Edi Rama dhe ish-kreut të PD-së, Lulzim Basha, duke thënë se ata e nxorën hapur dashurinë që e kishin mbajtur të fshehur për një kohë të gjatë.
Në një konferencë për mediat, Berisha tha se lidhjet politike mes dy liderëve kanë kaluar në faza, duke theksuar se nuk ka asgjë të re në këtë histori. Ai gjithashtu i uroi Ramën dhe Bashën me humor, duke thënë “Zoti ua shtoftë dashurinë mes tyre”.
“Dashuritë janë me faza. Kanë fazën latente, e kanë fazën publike etj. Nuk ka gjë të re. E kishin ata dhe dolën publikisht. Zoti ua shtoftë”, u shpreh Berisha.
