Kreu i Partisë Demokratike, Sali Berisha, gjatë një bashkëbisedimi me qytetarët në rrjetet sociale, ka kritikuar ashpër kryeministrin Edi Rama për sjelljen e tij gjatë takimit me fermerët në Divjakë. Sipas Berishës, Rama u paraqit “i tronditur deri në palcë, kërcënues dhe arrogant” ndaj fermerëve që shprehën pakënaqësitë e tyre mbi politikat qeveritare.

Berisha shtoi se përpjekjet e Ramës janë të kota dhe se ai do të marrë vendin që meriton, “atë ku e kanë vendin hajdutët dhe kriminelët që qeverisin një vend me lidhje të forta me kartelet e drogës, krimin dhe farsë elektorale”.

Lideri opozitar ftoi qytetarët të “shumfishojnë forcat” dhe të bashkohen në protestën e ardhshme, duke theksuar nevojën për të treguar fuqinë dhe vendosmërinë e tyre, për të siguruar që “ne do të jemi fitimtarët në këtë vend”.