Ish-kryeministri Sali Berisha ka sqaruar deklaratën e thënë një ditë më parë gjatë protestës se “Edi Rama është armiku i tij”.

Berisha tha se Rama është shpallur armik pasi ka blerë votën e shqiptarëve, ndërsa paralajmëroi se kjo gjë nuk do të ndodhë më pasi në të kundërt sipas tij vjen revolucioni.

Pyetje: Dje në protestë the: “Edi Rama është armiku im”, mos ndoshta ishte lapsus?

“Nuk ishte problem personal. Kur kanë çuar informacion në DASH mund ta shpallja që atëherë armik, por kjo s’ka lidhje. Unë atëherë nuk e shpalla. Një kundërshtar mund të çonte 1000 raporte por duhet të verifikoheshin ato. Kjo që ka bërë Edi Rama është më e rëndë. Ky është armik i shqiptareve për votën. Po nuk u kthye vota do të ketë shumë probleme, unë jam ky që jam. Për mua nuk ka asgjë më të rëndësishme se qytetarët shqiptar. Këtë quaj të parën unë. Po të veprojë kështu çdo kryeministër shkatërron vendin duke blerë votën. 4 ditë duke ndarë para. Le ta provojë ta bëjë. Nëse ti ec në këtë mënyrë revolucioni ka mënyrat e veta dhe pa diskutim do ti provojë. Një kryeministër nuk munda ta bëjë kurë po ky është autokrat që merr modelin e Enver Hoxhës”, përgjigjet Sali Berisha.