Ish-kryeministri Sali Berisha ka sulmuar nga foltorja e Kuvendit ministren Elisa Spiropali. Berisha tha se Nikolla nuk mund të lejojë që replikat për Ramën në Kuvend ti bëj Spiropali, ndaj të cilat nuk i la mangët as akuzat personale.

“Do të them një gjë ju zonja kryetare që drejtoni këtë kuvend në kundërshtim me rregulloren. Nëse ti lejon të përgjigjet për kryeministrin një person që nuk quhet Edi Rama ke shkel me një akt të servilizmit total rregulloren. Unë shoh mjerimin e Edi Ramës se kush e mbron atë, ti je bërë shkak për konflikt e do të bëhesh më shumë nëse nuk zbaton rregulloren.

Asnjë njeri nuk ka të drejtë të flasë në emër të një tjetri ndaj më mirë t’i japë fustanin e vet Edi Ramës, ç’është kjo menjëherë sa flas unë ajo ngrihet si të jetë papagall i Ramës, më thoni ju mua e njeh rregullorja papagallin apo nuk e njeh. Problemi që diskutohet sot është i lidhur me aferën e inceneratorëve, shqiptarët duhet ta dinë se në vitin 2012-13 u shpenzuan 4 mln euro të taksapaguesve europianë.

Edi Rama në vend që t zbatonte këtë strategji që rikthehet tani me këtë ligj shkelmoi atë dhe më urgjencë solli e firmosi kontratat korruptive për inceneratorët. E filloi me Elbasanin duke firmosur për 24 orë 17 akte administrative, rekord në historinë e këtij vendi.”- tha Berisha