Nënkryetari i Partisë Demokratike Enkeled Alibeaj ka reaguar pas thirrjes së Berishës për protestë me 8 janar, duke shkruar përmes një postimi në Twitter se pseudoprotesta do të dështojë dhe se ish-kryeministri duhet të shkojë në shtëpi.

Alibeaj thekson se të shtunën nuk do të ndodhë një gjë e tillë dhe se këto thirrje janë klithma të zbehta të një agonie politike.

Postimi i plotë:
Reagim i Nënkryetarit të PD, Enkelejd Alibeaj

Nuk ka asnjë protestë të vërtetë të shtunën. Janë klithma të zbehta të një agonie politike, në të cilën duan të tërheqin edhe demokratët. Sali Berisha nuk ka moralitet në këtë ndërmarrje antidemokratike.

Prej gati 4 muajsh është bërë çdo gjë që të zhvendoset objektivi i PD nga përballja me regjimin e Edi Ramës në një luftë të brendshme kundër Lulzim Bashës, për dobësimin e PD dhe të demokratëve.

Pseudoprotesta do të dështojë, si çdo përpjeje tjetër e deritanishme për të marrë peng PD-në për interesin e një njeriu të vetëm!
Është koha që Berisha të shkojë në shtëpi! Të lërë demokratët të fokusohen në të vetmen betejë të vërtetë, atë me regjimin e korruptuar të Edi Ramës për t’i dhënë vendit sa më parë një qeverisje të mirë dhe të drejtë!