Sontë, simpatizantët e ish-kryeministrit, Sali Berisha, janë mbledhur poshtë pallatit të tij duke shfaqur solidaritetin e tyre. Berisha u drejtua drejt tyre me një fjalim nga dritarja, duke shprehur disa nga shqetësimet dhe kritikat e tij ndaj qeverisë aktuale.

Në fjalimin e tij, Berisha vlerësoi vitin e kaluar si “viti i amnistive të shekullit,” duke akuzuar SPAK për amnistinë e vjedhjeve të qindra milionë eurove për Edi Ramën. Ai tha se kryeministri aktual nuk di të ndalet në vjedhjet dhe skandalet e tij.

Berisha theksoi se institucionet e vendit janë shndërruar në armë të një diktature të re, ndërsa shërbimi informativ, Policia e Shtetit dhe aktivistët janë përdorur kundër opozitës. Ai konkretizoi kritikat duke përmendur rastin e ndërtimit të inceneratorit të Tiranës, ku 138 milionë euro janë paguar nga taksat e qytetarëve për një projekt që nuk ekziston.

Berisha vazhdoi akuzat ndaj kryebashkiakut të Tiranës, Erion Veliaj, për mosndjekjen e procesit të ndërtimit dhe për të pasur lidhje me paratë në banka ofshore. Gjithashtu, ai akuzoi Edi Ramën për amnistuar Veliajn, duke e shpallur se kjo është një mënyrë për të amnistuar veten. Berisha përfundoi fjalimin e tij me akuzat se ata që mbrojnë Edi Ramën janë bashkëpunëtorë në krimet e tij.

Edi Rama në vjedhjet, skandalet e tij nuk di të ndalur.
Institucionet e vendit u shndërruan në mënyrë përfundimtare, në armë të diktaturës së re.
Shërbimi Informativ, Policia e Shtetit, patronazhistët, aktivistët të gjithë u sulën kundër opozitës. U vërsulën për ti grabitur votat shqiptarëve.
Ky ishte viti i amnistive të shekullit, ku skapistët e partisë për të amnistuar Edi Ramën, amnistuan vjedhjen e qindra milionë eurove.
Le të marrim vetëm disa fakte.

Pra nga taksat e qytetarëve të Tiranës dhe qarkut të Tiranës, janë paguar për ndërtimin e inceneratorit të Tiranës, 138 mln euro deri më sot, dhe ato janë zhdukur pa nam dhe nishan.
Asnjë nga 5 objektet që duhej ndërtuar, nuk ekziston.
Erion Veliaj me firmën e vulën e tij, ishte përgjegjës për të ndjekur çdo ditë, javë, muaj procesin e ndërtimit të tyre.
Por Erion Veliaj nuk ndiqte ato, ndiqte paratë që depozitonte me Edi Ramën në bankat ofshore, kurse shqiptarëve u linte plehrat e Tiranës.
Edi Rama duke amnistuar Erion Veliajn, ka amnistuar veten e tij. Sepse kompaninë e tij me Veliajn e vlerësoi të parën, i dha 8% bonus. Pa firmën e tij, kurrë vjedhja e fushës së Sharrës nuk mund të ndodhte.
A po e mbrojnë skapistët Edi Ramën, por e mbrojnë në verbërinë më të madhe sepse vetë ata janë bashkëpunëtor në krimet e tij, në krimet e tyre.