Pas vendimit të Gjykatës së Apelit që i dha të drejtën për të drejtuar Partinë Demokratike, ish-kryeministri Sali Berisha u drejtua sot protestuesve dhe mbështetësve të tij poshtë shtëpisë me një mesazh të rëndësishëm.

“Sot cdo shqiptar ndjen flladin e lirisë që po vjen. Ky flamur shembi komunizmin, tek ky flamur u derdh besimi i shqiptarëve. Me këtë flamur demokracia shqiptare erdhi në jetë.
Vitet e fundit me të njëjtën egërsi që etrit e Edi Ramës përdhosën simbolet kombëtare, kërkuan që në hakmarrjen primitive të zhduknin flamurin e lirisë dhe demokracisë. Këtë flamur kërkuan ta grabisin. Ishte planifikuar që ky flamur të zhdukej dhe të mbetej një relikë në histori. Këtë herë nga një formë e re diktature, si narkoshteti”, tha Berisha.

Ai theksoi se dita e sotme është e rëndësishme për demokratët dhe se çdo shqiptar ndjen flladin e lirisë që po vjen. Berisha përmendi se kjo fitore do të shënohet në histori, duke krahasuar simbolin e flamurit të lirisë me përpjekjet për zhdukjen e tij nga një formë e re diktature, si narkoshteti.