Një rezultat historik ka arritur në historinë e boksit shqiptar me Alban Bermetën.

Pas ndeshjes së fundit të fituar në Feti Borova kundër Fati Kelles, ish-kampionit olimpik të Turqisë, Bermeta është renditur i 20-ti në botë në peshën e tij sipas Boxrec, faqes së specializuar të boksit në botë për të dhënat e boksierëve.

Ky numër është më i larti për një boksier shqiptar, ndërsa vetë Bermeta, i cili grushton për peshat e mesme, pretendon të ngjitet edhe më lart.

Në muajt në vijim pritet që ai të duelojë për titull kampion, pasi tani është në zonën e boksierëve më të fortë në botë.Mjaft mirë po ecën edhe Denis Nurja, boksieri tjetër shqiptar që gjithashtu ka thyer rekordin personal, duke arritur të renditet i 28-ti në botë.

Këto shifra duket të jenë të pabesueshme në kontekstin e mungesës së mbështetjes dhe marketingut, por janë të arritura falë përkushtimit të madh të sportistëve. Për Denisin, kjo renditje vjen pas fitores që arriti në ‘Grushtin e Hekurt 2’ ku 1 javë më parë mposhti Charles Shinima nga Namibia.