Presidenti i SHBA-ve, Joe Biden, ka kritikuar kryeministrin izraelit Benjamin Netanyahu, duke thënë se sjellja e tij në lidhje me luftën në Gaza “po i bën më shumë dëm sesa mirë Izraelit”.

Në një intervistë për MSNBC, Biden theksoi se, megjithëse Izraeli ka të drejtën të mbrohet, duhet t’i kushtojë më shumë vëmendje jetëve të pafajshme të humbura në rezultat të veprimeve të ndërmarra.

“Ai ka të drejtën të mbrojë Izraelin, të drejtën të vazhdojë të sulmojë Hamasin. Por duhet t’i kushtojë më shumë vëmendje jetëve të pafajshme të humbura si rezultat i veprimeve të ndërmarra”,- theksoi ai.

Në një zhvillim tjetër, një anije ushtarake amerikane është drejtuar drejt Lindjes së Mesme, duke mbajtur pajisje për ndërtimin e një porti të përkohshëm në brigjet e Gazës, në përputhje me deklaratën e Biden për ndihmat humanitare në këtë rajon.

“Për mendimin tim, po i bën më shumë dëm sesa mirë Izraelit”,- shtoi Biden.