Ajo që po përflitej në mediat rozë është vërtetuar. Big Brother do të shtyjë afatet, dhe finalja e madhe nuk do të jetë në 16 Janar siç ishte planifikuar, por do të shtyhet për në datën 18 Shkurt.

Në spektaklin e të shtunës, 1 Janar, banorët do të duhet që të zgjedhin nëse do ta çojnë apo jo deri në fund garën, në një kohë që Vëllai i Madh ka vendosur që të shtyjë datën e finales.

“”Big Brother Vip” për herë të parë do të jetë live në natën e parë të Vitit të Ri. Me datë 1 Janar, banorët e shtëpisë më të famshme do të vihen përpara një zgjedhje. A do pranojnë ata të vazhdojnë garën deri më datë 18 Shkurt, kur “Vëllai i Madh” ka vendosur të shtyjë finalen?

Cilat do të jenë surprizat madhështore për ta? A i mbështesin familjarët në zgjedhjen e rrugëtimit të tyre? Cili do të shpallet i preferuari i shtëpisë dhe çfarë fuqie do të ketë?”, thuhet në promon e emisionit në rrjetet sociale.