Një ide origjinale proteste, vjen nga bizneset në Vlorë, të cilët kërkojnë shtyrjen e orarit të muzikës, dhe heqjen e orës policore, për shkak të vështirësive ekonomike, së po hasin në këtë sezon turistik, pas pandemisë.
Pjesa më e madhe e bizneseve kanë zgjedhur në shenjë proteste të vendosin njëherazi në orën 21:45, Himnin e Flamurit Kombëtar, më zë të lartë, pak para mbylljes së orarit muzikor.
Janë shoqëruar nga policia 4 administratorë lokalesh. Ngjarja në fjalë ndodhi vetëm pak minuta para orës 22:00, orar kur edhe ndalohet muzika në lokale, ndërkohë që në këtë biznes thuhet se muzika qëndroi edhe pak pas këtij orari.
Të shumtë ishin qytetarët që u mblodhën para komisariatit të Vlorës, nga ku kërkuan lirimin e zonjës dhe 3 tre personave të tjerë, e cila u shoqërua nga dhjetra efektivë policie.
Rreth orës 4 të mëngjesit, janë lënë të lirë katër të shoqëruarit nga policia e Vlorës.
Ata kanë paralajmëruar protestë për ndryshimin e fashës orare, pasi sipas tyre kjo po i pengon në biznesin e tyre përgjatë sezonit veror, kur ka edhe shtim të numrit të turistëve.
