Një incident i dhunshëm ka ndodhur dje me biznesmenin Arben Çipa, i cili ka përjetuar një sulm brutal pas një konflikti lidhur me një projekt biznesi. Pamjet ekskluzive që janë bërë publike tregojnë Çipën të gjakosur dhe të dhunuar rëndë, me shenja të dukshme të grushtave dhe përdorimit të sendeve të forta, që sipas tij janë përdorur nga autorët.
Ngjarja ndodhi gjatë orëve të drekës, kur Çipa po udhëtonte për në punë. Sipas deklaratave të bëra nga biznesmeni, dy persona që e sulmuan kishin lidhje me një projekt biznesi dhe ishin kundërshtarë të zhvillimit të tij. Çipa ka treguar se gjatë rrugës, një prej sulmuesve, i identifikuar si Dio, e ndaloi dhe filloi të diskutonte lidhur me këtë projekt.
“Unë isha duke shkuar në punë, kur papritur një person me emrin Dio më ka prerë rrugën bashkë me një tjetër dhe ka nisur të fliste për një çështje lidhur me një projekt timin. Ata ishin duke bërë gjithçka për të penguar zhvillimin e tij dhe këtë e shprehnin në formë fyerjesh,” tha Çipa në deklaratën e tij. “Në atë moment unë nuk i kam pranuar fyerjet dhe ata kanë shfrytëzuar momentin dhe më janë vërsulur brenda makinës time me grushte dhe gurë dhe e kam pasur të pamundur të mbrohem në atë moment”, tregon ai.
Pas sulmit, Çipa ka pësuar lëndime të rënda, duke përfshirë gjakderdhje dhe plagë të shumta, dhe është transportuar menjëherë në spital për trajtim mjekësor.
