Një ekip gazetarësh shqiptarë, të nisur për të mbuluar aktivitetin e kryeministrit Edi Rama me komunitetin shqiptar në Selanik, u ndalua për rreth tre orë nga autoritetet greke në pikën kufitare të Kapshticës. Doganierët helenë mbajtën pasaportat e gazetarëve, duke i njoftuar se për të vijuar udhëtimin kërkohej një autorizim nga Ministria e Jashtme greke.

Në mes të kësaj pritjeje, policia greke ofroi një zgjidhje të pjesshme: gazetarët mund të kalonin kufirin me makina, por kamerat duhet të qëndronin aty derisa të mbërrinte konfirmimi nga Athina. Saga e ndalimit mori fund rreth orës 17:10, kur doganierët u kthyen pasaportat e vulosura ekipeve të A2 CNN dhe Tv Klan, duke i lejuar të vazhdonin rrugën drejt Selanikut.

Takimi i kryeministrit Edi Rama me bashkatdhetarët pritet të mbahet nesër në Porto Palace Hotel, duke nisur nga ora 11:00.