Qytetarët e Komunës së Prishtinës do të përballen nga nesër me ndërprerje transportit publik dhe privat, për shkak të bllokimit të buxhetit të kryeqytetit nga Ministria e Financave.

Kryetari i komunës, Përparim Rama, gjatë një konference për media bëri të ditur se shërbimet jetike janë në prag të ndërprerjes, duke paralajmëruar një krizë që lidhet me interesa zgjedhore.

Ai njoftoi se gjatë një takimi me përfaqësuesit e transportit urban dhe Shoqatës së Transportuesve të Sektorit Privat, u bë e qartë se nga nesër transporti në kryeqytet do të ndalet.

Rama shtoi se të hyrat e komunës për 11 muaj janë të bllokuara dhe nuk janë pjesë e buxhetit të përvitshëm, duke rrezikuar funksionimin normal të shërbimeve për qytetarët.