Teksa bombardimet në Ukrainë vazhdojnë nga Rusia, NATO ka lëshuar një deklaratë për të riafirmuar mbështetjen për Kievin, duke shtuar se ajo kurrë nuk do të njohë “aneksimet e paligjshme” të rusëve.
NATO u shpreh se këto sulme të njëpasnjëshme janë duke “privuar miliona ukrainas nga shërbimet dhe të drejtat bazë”.
Mbështetësit janë duke ndihmuar Ukrainën teksa ajo është duke ri konstruktuar infrastrukturën energjetike dhe mbron qytetarët nga sulmet me raketa, nga ana e Rusisë. Deklarata e NATO-s, vjen pas takimit në ditën e parë të konferencës me ministrat e vendeve aleate në Bukuresht.
