Prezantohet Programi Kombëtar i Zhvillimit Profesional të Mësuesve.
Ministrja e Arsimit Ogerta Manastirliu foli për të rejat e këtij program kombëtar.
Portofol digital për mësuesit ku do të regjistrohen kreditet e trajnimit të mësuesit dhe jo vetëm.

Ministrja e Arsimit, Ogerta Manastirliu, u shpreh gjatë fjalës së saj në Programin Kombëtar të Zhvillimit Profesional të Mësuesve, se brenda vitit 2024 do të trajnohen 4 mijë mësues të arsimit fillor dhe mësues të lëndëve bazë.

“Synojmë të fuqizojmë komunitetin e mësuesve dhe përgatitjen më të mirë të nxënësve. 4 mijë mësues të arsimit fillor dhe mësues të lëndëve bazë do të trajnohen brenda 2024-ës”, u shpreh ajo.

Ministrja e Arsimit tha më tej se brenda vitit 2025 do të trajnohen mbi 16 mijë mësues.

“Për herë të parë, mësues mentorë në shkollë që do t’i dedikohen zhvillimit profesional të kolegëve. Do të vijojë rritja e pagave për mësuesit, si pjesë e strategjisë për të mbajtur individë të talentuar në profesionin e mësuesit”, u shpreh ajo.