Kryeministri Edi Rama i quan thashetheme lajmet se Shqipërisë do t’i rikthehen vizat.
Rama ka reaguar në një postim në Twitter, duke hedhur poshtë deklaratën e Partisë Demokratike se “Çekia, vendi që mban Presidencën e BE deri në fund të vitit, ka kërkuar që Shqipërisë bashkë me Serbinë, t’u kthehet regjimi i vizave”.
“Të gjithë e dinë se kujt i është vënë viza në Shqipëri, askush mos çuditet si e qysh përhapet thashethemi se BE-ja do kthejë regjimin e vizave! Nongrata nuk ka shans të hiqet, vizat nuk ka gjasë të vihen dhe opozita e rublave sado të japë shpirt s’ka për të hequr dorë”, shkruan Rama në twitter.
Në lidhje me këtë, ka reaguar edhe opozita, PD dhe PL, të cilat thonë se shkak për këtë është Edi Rama, i cili po vë në rrezik lëvizjen e lirë të qytetarëve shqiptarë.
