Kreu i KQZ, Ilirjan Celibashi tha për mediat se pas takimit me ambasadoren amerikane, Yuri Kim, kjo e fundit i kishte shprehur shqetësimin e financimeve ruse për partitë politike në Shqipëri.

Mes të tjerash, Celibashi tha se duhej të bëhej ndryshimi i ligjit në mënyrë që të sigurohej hetimi më i thellë për donatorët e partive politike dhe për mënyrën sesi këto parti politike përdornin këto donacione.

Kreu i KQZ, Ilirjan Celibashi: Besoj se përfaqësuesit e partive ua bënë të qartë se çfarë u diskutua. Kim përcolli shqetësimin e SHBA-ve në lidhje me financimet e huaja të politikës shqiptare në mënyrë specifike atyre ruse. Në informacionet e fundit që ata zotërojnë përcollën këtë shqetësim tek përfaqësuesit politikë shqiptarë me qëllim që të rrisin vëmendjen dhe të bëjnë më mirë me qëllim që financimet e huaja të mos kenë ndikim në politikën shqiptare.

Ajo që mund të them është se ka nevojë për përmirësim të kuadrit ligjror në mënyrë që KQZ të ketë mundësi më të thella hetimi lidhur me sasinë e parave që marrin partitë politike dhe si përdoren këto para.

Pas
500 mijë euro nga rusët për PD, Kryemadhi pas takimit me Kim: Kisha 6 vite që ua thoja, më mirë vonë se kurrë
Para