Në Komisionin Shtetëror të Zgjedhjeve, deri më tani kanë paraqitur kërkesë për regjistrim 11 parti politike për të marrë pjesë në zgjedhjet e pjesshme vendore.

Këtë e ka bërë të ditur kryetari i KQZ-së, Ilirjan Celibashi i cili ka renditur me anë të një postimi në Facebook, partitë e regjistruara deri më tani.

Më tej ai bën me dije se nuk ka paraqitur kërkesë për regjistrim asnjë komitet nismëtar.

KQZ ka 24 orë në dispozicion për të kthyer për plotësim dokumentacionin e atyre partive që kanë mangësi ose problematika, për të vijuar më pas me miratimin e tyre në seancë publike.

Kodi Zgjedhor parashikon se subjektet e regjistruara do të kenë një afat prej 24 orësh për të sjellë kërkesën për koalicione të mundshme zgjedhore.

Postimi i Ilirjan Celibashit:

Në KQZ Shqiperi kanë paraqitur kërkesë për t’u regjistruar si subjekte zgjedhore në #zgjedhje6bashki të datës #6mars2022, partitë politike në vijim:

Partia Socialiste e Shqipërisë (PS)
Partia Demokratike e Shqipërisë (PD)
Levizja Socialiste për Integrim (LSI)
Levizja e Re (LRE)
Fryma e Re Demokratike (FRD)
Partia Kristian Demokrate (PKDSH)
Partia Demokristiane e Shqipërisë (PDK)
Partia e Reformave Demokratike e Shqipërisë (PRDSH)
Partia Bashkimi Demokrat (PBD)
Partia Lëvizja e Legalitetit (PLL)
Partia Balli Kombëtar Demokrat (PBKD)
Nuk ka paraqitur në @KQZShqiperi kërkesë për regjistrim si subjekt zgjedhor në zgjedhjet e pjesshme vendore, asnjë Komitet Nismëtar. Nuk ka patur kërkesë as në KZAZ-të e Dibrës, Vorës dhe Rrogozhinës nga asnjë Komitet Nismëtar.

KQZ Shqiperi ka 24 orë në dispozicion për të kthyer për plotësim dokumentacionin e atyre partive që kanë mangësi/problematika, për të vijuar më pas me miratimin e tyre në seancë publike. Kodi Zgjedhor parashikon se subjektet e regjistruara do të kenë një afat prej 24 orësh për të sjellë kërkesën për koalicione të mundshme zgjedhore.