Sipas gazetës “Bild”, një celulë xhihadiste ka planifikuar sulme terroriste në Gjermani, Austri dhe Spanjë midis festave të Krishtlindjeve dhe Vitit të Ri. Terroristët synojnë të kryejnë sulme gjatë meshave të Krishtlindjeve ose më 31 dhjetor.

Disa anëtarë të kësaj celule janë arrestuar të shtunën, duke përfshirë vendet si Vjena dhe Ottakring në Austri dhe Saarland në Gjermani. Në lidhje me këtë, autoritetet në Austri kanë ngritur nivelin e kërcënimit dhe kanë forcuar masat e sigurisë në vendet e krishtera të adhurimit, duke i konsideruar ato si objektiva të mundshëm të sulmeve.

Në reagim ndaj kësaj kërcënimi, në disa katedrale të njohura si Katedralja e Këlnit dhe Katedralja e Shën Stefanit në Vjenë, janë ndërmarë masa shtesë sigurie. Në Katedralen e Këlnit, njësitë e qenve të policisë kanë ndërhyrë për të kryer kontrolle për eksploziv, pasi kishte indikacione për një sulm të mundshëm.

Grupi i arrestuar thuhet se përbëhet kryesisht nga shtetas të Taxhikistanit dhe ka planifikuar sulme në emër të Shtetit Islamik të Irakut dhe Levantit, Provinca Khorasan (ISPK), një degë e grupit terrorit në Afganistan.

Në Itali, vëmendja dhe masat e sigurisë janë të rritura gjatë festave të ndërrimit të viteve, duke pasur parasysh kontekstin aktual delikat politik ndërkombëtar dhe tensionet në zonën e Lindjes së Mesme, të cilat mund të rrisin rrezikun e veprimeve terroriste. Autoritetet italiane kanë ngritur alarmin për festimet në natën e ndërrimit të viteve, duke kërkuar vëmendje të veçantë për mbrojtjen e rendit dhe sigurisë publike.