Lojërat Olimpike 2024 nisën në Paris, duke e kthyer qytetin në qendrën e vëmendjes botërore. Ceremonia e hapjes ishte madhështore dhe shënoi rikthimin e ikonës së muzikës, Celine Dion, duke sjellë një emocion të veçantë për të gjithë të pranishmit.
1. Flamuri i Olimpik: Simboli me pesë rrathët që përfaqëson pesë kontinentet e globit ishte vendosur përmbys, duke shkaktuar reagime të shumta dhe kritika në rrjetet sociale.
2. Prezantimi i Koresë së Jugut: Atletët e Koresë së Jugut u prezantuan gabimisht si të Koresë së Veriut nga spikerët francezë dhe anglezë, duke i quajtur “Republika Popullore Demokratike e Koresë”, emri zyrtar i Koresë së Veriut.
3.Parodia e Darkës së Fundit: Kjo skenë me drag queens duke pozuar ngjalli zemërimin e klerikëve katolikë dhe kritikë të shumta nga figura politike, përfshirë Matteo Salvini, i cili e quajti një fyerje për komunitetin e krishterë.
4. Numri i Kabarejes nga Lady Gaga: Një performancë surprizë nga këngëtarja amerikane Lady Gaga shtoi më shumë ngjyra në ceremoninë e hapjes.
Medaljet
-Pjesëmarrja e Kinës: Kina fitoi medaljen e parë të artë në garën e qitjes. Ndërkohë, përfaqësuesja e Shqipërisë, Manjola Konini, përfundoi në vendin e parafundit mes 44 sportistëve.
-Incidentet me Doping: Xhudisti irakian Sajjad Ghanim Sehen Sehen dhe volejbollistja dominikane Lisvel Eve Mejia u përjashtuan për doping.
-Humbja e Trajnerit të Boksit të Samoas: Trajneri Lionel Elika Fatupaito humbi jetën në hotel për shkaqe natyrore.
Pavarësisht polemikave dhe reshjeve të shiut, rreth 320.000 spektatorë ndoqën ceremoninë e hapjes me entuziazëm, duke shijuar një spektakël të pasur me ngjyra dhe emocione.
