Deputeti i PD-së, Luçiano Boçi është shprehur kundër që çështja e McGonigal të bashkohet në një të vetme, duke kërkuar që mocioni me debat, interpelanca dhe seanca e pyetjeve të bëhen të ndara. Ai akuzoi kryeparlamentaren Lindita Nikolla se po shkelin rregullorën ndërsa shtoi se Rama ka frikë nga pyetjet.

Boçi: Ju po shkelni rregulloren, deputetët e PD kanë kërkuar mocion me debat, interpelancë dhe pyetje përgjigje.

Kemi kërkuar edhe komision hetimor.

Por jo janë krejt të ndryshme, edhe seanca e pyetjeve. Se pyetjet ka frikë ai zotëria aty. Si mund të dilni ju mbi rregulloren?

Ne kemi kërkuar seanca pyetjesh me vete, interpelanca me vete, dhe mocioni me vete. Pse bëni sikur i ngatërroni ju. Cështja ka disa asekte.

Mos vazhdoni me shkeljen e rregullores , ndajini vec sikurse miratoni komisionin hetimor.

Kush jeni ju që ndërprisni funksioninm e ligjeve sipas dëshirave tuaja. Ju doni që ligjet të bëjnë pushim.Kjo është e turpshme, zbatoni kërkesat tona.