Gjatë një takimi me diasporën shqiptare në Brescia, Itali, drejtuesi i fushatës elektorale të Partisë Demokratike dhe strategu i njohur amerikan Chris LaCivita mbajti një fjalim të fuqishëm mbi rëndësinë vendimtare të votës së shqiptarëve që jetojnë jashtë vendit në zgjedhjet e 11 majit.

LaCivita u shpreh se Shqipëria po përjeton një krizë të thellë, të shkaktuar nga keqqeverisja 12-vjeçare e Edi Ramës dhe Partisë Socialiste:

“Shqipëria po humb më të mirët dhe më të mençurit, sepse nuk ofron më mundësi. Për 12 vite, Rama ua ka bërë jetën të pamundur shqiptarëve.”

Ai theksoi se e vetmja rrugë për të sjellë ndryshimin është pjesëmarrja masive në zgjedhje, veçanërisht nga diaspora:

“Ju që jetoni jashtë Shqipërisë keni në dorë të ndryshoni të ardhmen jo vetëm tuajën dhe të familjeve tuaja, por të gjithë vendit.”

Duke marrë shembull nga fitorja e Donald Trump në zgjedhjet presidenciale të SHBA-së në 2024, LaCivita e krahasoi potencialin e mobilizimit të diasporës shqiptare me atë të amerikanëve që sollën ndryshimin në vendin e tyre:

“Nëse dilni të gjithë për të votuar më 11 maj, për numrin 1 – për doktor Sali Berishën – ju do ta bëni Shqipërinë të madhe përsëri.”

Fjalimi i tij u mbyll me një thirrje të qartë dhe një mesazh falënderimi për të gjithë shqiptarët e pranishëm në takim:

“Faleminderit! Shqipëria ka nevojë për ju.”