Në një fjalim emocionues nga Shkodra, Chris LaCivita, një figurë e njohur në politikën amerikane, ka thënë se është koha për të rrëzuar një tjetër “monument të dështuar” në Shqipëri, duke i bërë thirrje qytetarëve të votojnë kundër qeverisjes së Edi Ramës.

“Ne besojmë në liri, në të drejtat dhe dinjitetin e çdo individi,” tha LaCivita, duke shtuar se Dr. Sali Berisha ka ndërtuar marrëdhënie të forta me Shtetet e Bashkuara dhe se ka mbështetje të plotë nga SHBA për ta udhëhequr Shqipërinë në rrugën e lirisë dhe zhvillimit.

Ai i bëri thirrje qytetarëve të luftojnë për të ardhmen e familjeve të tyre dhe të votojnë për ndryshim. “Luftoni për lirinë tuaj, për të ardhmen tuaj, për Shqipërinë,” shtoi ai, duke përmendur edhe rëndësinë e besimit të Shteteve të Bashkuara në liderin shqiptar.

Përmbylli fjalimin me një mesazh të fuqishëm, duke i uruar Shqipërisë një të ardhme më të mirë dhe më të lartë, duke theksuar fitoren si të vetmen mundësi për të pasur një shtet të zhvilluar dhe të lirisë.