Kosova ka regjistruar tri viktima dhe 508 raste të reja me koronavirus, bëri të ditur Ministria e Shëndetësisë (MSH) më 16 shkurt.
Rastet e reja dolën pas testimit të 4,320 mostrave, që i bie se 11.75 për qind e të testuarve rezultuan pozitivë për sëmundjen COVID-19.
Në raportin e MSH-së që i referohet të dhënave të 24 orëve paraprake, 1,281 pacientë janë shëruar nga koronavirusi.
Në total numri i rasteve aktive është 8.685. Në 24 orët e fundit janë dhënë 1.278 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.804.256 doza të vaksinës.
Deri më tani, 811,804 qytetarë janë vaksinuar me dy doza të vaksinës. Deri më sot janë dhënë 94.710 doza përforcuese dhe doza të treta të vaksinës kundër COVID-19.
