Kryetari i Partisë Demokratike, Sali Berisha ka hedhur akuza të forta në adresë të kryeministrit Edi Rama në lidhje me zgjedhjen e kreut të ri të SPAK.

Ai thotë se Edi Rama ka ndërhyrë në këtë proces pasi do të mbrohet për çështjen e inceneratorëve dhe kjo për Berishën është një akt i paprecedentë që ndodh në Shqipëri. Sipas tij, SPAK-u është kthyer në vegël të Ramës dhe të Taulant Ballës.

“Ç’punë ka një Kryeministër se kush emërohet në krye të SPAK, Ka vetëm dosjen e tij, sepse dosja e djegësve është dosje e organizatës kriminale, në të cilën ka firmosur Edi Rama dhe prandaj bën këtë figurë të të turpshme dhe e asgjëson totalisht këtë organ. Beteja është surrealiste, është paimagjinueshme, nuk ndosh kurrë. Bota e Krimit darkon prej 2 muajsh rresht me eksponentë të krimit të organizuar që janë në parlament, ky është asgjësimi total i sistemit të drejtësisë, kurrë s’ka ndodhur më parë.Ky është SKAP-i i PS. SPAK merret si me qenë reparti i turpshëm i Edi Ramës dhe i Taulant Ballës.”, tha Berisha.