Cristiano Ronaldo dhe Georgina Rodriguez kanë forcuar sigurinë e tyre personale, duke angazhuar truprojë të rinj dhe duke u transferuar në një vilë bunker pas kërcënimeve të dhunshme dhe të rrezikshme që kanë marrë në rrjetet sociale. Sipas revistës portugeze Nova Gente, çifti është në “gatishmëri maksimale” për sigurinë e tyre, duke marrë masat e nevojshme për të mbrojtur veten dhe fëmijët e tyre.

Përveç truprojeve tashmë të pranishëm, Ronaldo ka marrë masa shtesë, duke angazhuar më shumë roje sigurie. Modelja Georgina Rodriguez ka shmangur angazhimet e saj sociale dhe ka hequr dorë nga disa udhëtime, për të qëndruar larg rrezikut dhe për të siguruar privatësinë e familjes. Ajo gjithashtu ka shpërndarë foto të fëmijëve të mbuluar me emoji për të ruajtur sigurinë e tyre.

Cristiano dhe Georgina u transferuan në Riad në janar 2023, pasi futbollisti nënshkroi një kontratë me Al Nassr. Ata fillimisht qëndruan në një hotel luksoz, por më pas u zhvendosën në një vilë të pajisur me një bunker dhe sistem sigurie të avancuar. Qendra sportive e Al Nassr ndodhet rreth tridhjetë kilometra larg qytetit, dhe Ronaldo e ka vlerësuar qetësinë e jetesës atje, ku mund të shijojë privatësinë e tij dhe të shohë ndeshje kikboksi.

Pavarësisht përpjekjeve për të mbajtur një jetë të qetë, kërcënimet e fundit kanë prishur këtë qetësi, duke shtuar shqetësimin e çiftit për sigurinë e fëmijëve të tyre.