Këngëtarja e njohur Dafina Zeqiri ka reaguar ashpër përmes një postimi në rrjete sociale, duke shprehur indinjatën e saj për mënyrën se si u zhvillua funeralit i vëllait të reperit Gjestit.

Dafina u shpreh e tronditur që gjatë një momenti kaq të dhimbshëm, disa persona filmonin me telefona, ndërsa të ashtuquajtur “VIP-a” jepnin intervista e mburreshin online për fjalët që u ishin thënë.

Ajo nuk kurseu kritika as ndaj gazetarëve, të cilët sipas saj bënin pyetje të parëndësishme dhe e kthenin dhimbjen e familjes në spektakël publik.

“Një moment privat u shndërrua në cirk”

Në shkrimin e saj, Dafina theksoi:

“Rrjetet sociale janë të fuqishme, por gjithashtu edhe të rrezikshme. U trondita kur pashë njerëz duke regjistruar me iPhone në një funeral. Dhe të ashtuquajtur ‘VIP-a’ që jepnin intervista e mburreshin online. Disa gazetarë bënin pyetje të parëndësishme, duke e kthyer dhimbjen e një familjeje në dritën e tyre të vetme. Kjo është absurde, çnjerëzore dhe thellësisht mosrespektuese. Ajo që duhet të ishte një moment privat, u shndërrua në një cirk.”

Mesazhi për të birin

Në përfundim të mesazhit, këngëtarja tha se një ditë do t’i mësojë djalit të saj të qëndrojë larg nga njerëz që sipas saj japin shembullin më të keq.
“Humaniteti kurrë nuk duhet të shkëmbehet për vëmendje. Sepse vëmendja nuk duhet të vijë kurrë në kurriz të dhimbjes së dikujt tjetër.”