Një video e rregjistruar nga kamerat e sigurisë tregon dy të pandehurit, të akuzuar për vrasjen e një 41-vjeçareje shtatzënë në Selanik, në momentet pas krimit. Në pamjet e shfaqura, ata shihen duke hedhur sendet personale të viktimës në koshin e plehrave, duke përdorur qese për të forcuar skenarin e zhdukjes së tyre.

Gjatë videove, të dyshuarit ecin në rrugën e Perikleut, shumë pranë vendit të vrasjes, ndërsa partneri 39-vjeçar i gruas dhe bashkëpunëtori i tij 34-vjeçar shikojnë me kujdes rrugën. Në momentin e mëpasëm, ata hedhin qeset në koshin e plehrave dhe largohen nga vendi.

Çifti i akuzuar kishte tentuar të prezantohet si viktimë e vrasjes, duke pretenduar se 39-vjeçari kishte vështirësi në lëvizje për shkak të problematikave shëndetësore. Megjithatë, në pamjet e siguruara, ai shihet duke ecur pa vështirësi dhe me ritme të shpejta.

Ndryshe, një video tjetër e publikuar më herët tregon viktimën, 41-vjeçaren shtatzënë, në momentin kur ecën së bashku me partnerin e saj në një rrugë të Selanikut, pak metra larg shtëpisë ku jetonin.

Në një video të publikuar dje nga protothema.gr, 41-vjeçarja shtatzënë shihet e shkujdesur duke ecur së bashku me partnerin e saj, duke mbajtur në duar çanta pazari, në rrugën Ethnikis Antistaseos, pak metra larg shtëpisë ku çifti jetoi.