Një sulm me granatë dore ka ndodhur mbrëmë pas mesnate në objektin e Komunës së Zveçanit, rreth orës 23:45. Sipas njoftimit të kryetarit të Komunës, Ilir Peci, disa individë të paidentifikuar kanë sulmuar objektin e komunës, duke shkaktuar dëme materiale, por fatmirësisht pa pasur të lënduar.

Peci ka dënuar aktin e dhunshëm dhe ka theksuar se ky sulm pason një ngjarje të ngjashme që ndodhi disa ditë më parë, kur u sulmua edhe stacioni policor i Komunës së Zveçanit. Ai e ka cilësuar këtë akt si të papranueshëm dhe ka shprehur shqetësimin për situatën e sigurisë.

Policia është angazhuar për hetimin e rastit dhe për identifikimin e personave përgjegjës për këtë sulm.