Gjatë një bisede me Eglin, banorja e “Big Brother VIP Albania”, Danja, ndau një histori personale nga e shkuara e saj, duke treguar për një marrëdhënie toksike që e ka lënë me pasoja emocionale.

Ajo rrëfeu se kishte pasur një lidhje që në atë kohë i dukej shumë e madhe, por më vonë e kuptoi se kishte qenë e dëmshme për të. Ish-partneri i saj ishte larguar papritur dhe më pas ajo mësoi se ai ishte fejuar me një vajzë të virgjër.

“Unë jam 32 vjeçe sot. E kam kaluar një histori dashurie shumë të madhe, në mendjen time shumë të madhe. Ajo ishte ajo toksikja. Në atë kohë ajo më dukej e madhe. Isha e çmendur, e çmendur,” u shpreh Danja.

Banorja shtoi se kjo ndarje e kishte prekur shumë dhe i ishte dashur tre vite për ta pranuar realitetin dhe për të kaluar këtë periudhë të errët.

Gjithashtu, Danja përmendi se babai i saj mund të jetë shokuar nga fakti që në shtëpi është përmendur emri i Redit dhe se do të merret me këtë çështje pas daljes nga spektakli. “Ndoshta nuk duhet ta them këtë për respekt të babait tim, se gocë veriore dhe unë nuk e di babi marrëdhënien time”, shtoi ajo.

Në fund, ajo pranoi se ka marrë shumë mbështetje nga motra e saj për të kaluar këtë përvojë të vështirë.