Ilnisa Agolli ishte e ftuar në emisionin “She’s On Top”, ku diskutoi marrëdhënien e saj me Meritonin. Ajo ndau se dashuria i ka sjellë ndryshime të thella që reflektohen edhe në pamjen e jashtme. Moderatorja e programit, Argjira Spanca, e komplimentoi ish-banoren e “BBVA 3”, duke i thënë se duket “kokrra e yllit”.

“Është nga brenda, dashuria të zbut, të ndryshon, të zbukuron. Kemi ardhur nga një pushim i shkurtër në Bodrum, ku fryente një erë dashurie nga ato që të rrëmbejnë“, tha Ilnisa.

Argjira e pyeti nëse kishte ndonjë gjë të re nga kjo dashuri. “Nuk e di pse u emocionova, jo nga ty, por nga pyetjet, në sensin që kërkon ato përgjigje që nuk t’i jap dot publikisht, por që… mund edhe të ketë,” u përgjigj Ilnisa me një buzëqeshje.

Marrëdhënia e tyre duket se po shkon shumë mirë edhe pas daljes nga “BBVA 3”.