Skiatoret shqiptare Semire Dauti dhe Lisa Brunga kanë përfunduar aventurën e tyre në Lojërat Olimpike Dimërore Milano-Cortina 2026 Winter Olympics, pas garës së sllallomit për femra.

Semire Dauti nuk arriti të mbyllë lëshimin e parë, pasi gaboi në sektorin e dytë të pistës dhe u detyrua të braktisë garën, duke mos regjistruar kohë zyrtare.

Ndërkohë, 17-vjeçarja Lisa Brunga përfundoi zbritjen e saj të parë me kohën 57.58 sekonda, por nuk do të jetë pjesë e lëshimit të dytë. Ajo është skualifikuar nga komisarët e garës, duke mbyllur kështu para kohe pjesëmarrjen në këtë disiplinë.

Gara e sllallomit për femra vijon me sportistet e kualifikuara për lëshimin e dytë, i cili do të përcaktojë renditjen përfundimtare në këtë disiplinë olimpike.