Brenda 24 orëve të para të nisjes së reality show-t “BBVK”, banorët janë përfshirë në disa debate të ashpra. Një nga incidentet më të përfolura është përplasja mes Rezartit dhe Gresës. Në një video që është bërë virale, aktori dëgjohet duke ofenduar Gresën për peshën e saj, duke e krahasuar me këngëtaren Fifi.

“Kjo goca e shëndoshë më kujton Fifin kur ishte e shëndetshme dhe u dobësua, por nuk është si ty. Kjo është e sëmurë,” është një prej deklaratave të Rezartit, që ka ngjallur reagime të shumta në rrjetet sociale.

Pas këtyre komenteve fyese, Rezarti rrezikon të dënohet ose madje të skualifikohet nga gara. Pritet reagimi zyrtar nga produksioni i “BBVK” për të adresuar këtë situatë dhe për të vendosur për masat e mundshme disiplinore.