Edhe pse jemi në pranverë, zonat malore dhe juglindja e vendit, janë mbuluar nga dëbora, madje në disa akse rrugore ka edhe vështirësi në qarkullimin e mjeteve.

Reshjet e dëborës kanë nisur mbrëmjen e kaluar, e si pasojë bllokohet qarkullimi i automjeteve në Llogara.Pjesa më problematike për qarkullimin është qafa e Llogarasë.

Drejtuesit e automjeteve kanë qënë të papërgatitur por policia ndodhet në terren për normalizimin e situatës.

Reshje  dëbore ka pasur prej mesnatës se djeshme thuajse në gjithë qarkun e Korçës. Reshjet vijojnë ende, por me intensitet të dobët.

Trashësia e borës në zonat fushore shkon nga 2 – 5 cm ndërsa në zonat malore nga 10 -17 cm siç është edhe fshati turistik i Dardhës, Qafa e Qarrit etj.

Nuk raportohen probleme, mjetet borë pastruese vazhdojnë punën për pastrimin e aksit, megjithatë drejtuesve të mjeteve iu bëhet thirrje të tregohen të kujdesshëm për shkak të lagështisë së madhe në rrugë.