Sekretari i Përgjithshëm i Partisë Socialiste, Blendi Klosi, ka folur lidhur me vizitën e Sekretarit të Shtetit amerikan, Antony Blinken, në Shqipëri. Në një lidhje të drejtpërdrejtë për mediat, Klosi theksoi se Shqipëria ka një qeverisje stabël dhe është një pikë stabiliteti në rajon.

“Shqipëria është përcaktuar prej kohësh si një pikë stabiliteti në rajon dhe një pikë e fortë në kontaktin dhe administrimin e politikave euroatlantike. Shqipëria është i vetmi vend me një qeverisje stabël. Ka një lidership rajonal të fortë dhe përmbush detyrat dhe misionet e saj. Vizita e Blinken është një moment i rëndësishëm dhe tregon përkushtimin e partnerëve ndaj Shqipërisë në këtë kohë të trazuar,” theksoi Klosi.

Për sa i përket takimit të Blinken me Dumanin ai tha: Nuk shoh asnjë ndryshim nga politikat e deritanishme, pasi qartazi për SHBA, për partnerët tanë euro-atlantik, kontakti me institucionet e drejtësisë ka qenë i kahershëm, dhe kjo tregon një mbështetje që këta partnerë po i japin institucionit.